ဒေတာကာကွယ်ရေးဆိုင်ရာ အချက်အလက်
Infineon တွင် ကျွန်ုပ်တို့သည် ဒေတာကာကွယ်ရေးနှင့် လျှို့ဝှက်ထားရှိရေးကို အလွန်အလေးအနက်ထားပြီး လက်ရှိနိုင်ငံတော် ဒေတာကာကွယ်ရေး စည်းမျဉ်းများကို လိုက်နာပါသည်။ တိုင်ကြားချက် မပေးပို့မီ ဤဒေတာကာကွယ်ရေး အချက်အလက်ကို သေချာဖတ်ရှုပါ။
ကျင့်ဝတ်ဖောက်ဖျက်မှု သတင်းပေးစနစ်၏ ရည်ရွယ်ချက်
ကျင့်ဝတ်ဖောက်ဖျက်မှု သတင်းပေးစနစ် (BKMS® System) သည် ဌာနတွင်း စည်းမျဉ်းများကို ဖောက်ဖျက်မှု သို့မဟုတ် ချိုးဖောက်မှုများနှင့်ပတ်သက်ပြီး သင်ပေးပို့လာသော တိုင်ကြားချက်များကို လုံခြုံစွာ လျှို့ဝှက်လက်ခံခြင်း၊ စီမံဆောင်ရွက်ခြင်းနှင့် စီမံခန့်ခွဲခြင်းတို့ လုပ်ဆောင်ပေးသည်။
မည်သည့်အကြောင်းအရာများကို တိုင်ကြားသင့်ပြီး မည်သည့်နေရာတွင် အကြံဉာဏ်ရယူနိုင်သလဲ။
အောက်ပါနယ်ပယ်များမှ စည်းကမ်းလိုက်နာခြင်းမရှိသည့် လုပ်ရပ်များကို တိုင်ကြားနိုင်သည်-
- တရားနည်းလမ်းကျ ယှဉ်ပြိုင်မှုကို အားမပေးသော လုပ်ရပ်များ
- အကျင့်ပျက်ခြစားခြင်း
- အကျိုးစီးပွား ပဋိပက္ခများ
- ကုမ္ပဏီပိုင်ပစ္စည်းများကို အလွဲသုံးစားပြုခြင်း
- အချက်အလက် လုံခြုံရေးနှင့် ဒေတာကာကွယ်ရေး
- လုပ်ငန်းလည်ပတ်မှုများ
- အပြုအမူ
- လူ့အခွင့်အရေး
လုပ်ငန်းဆောင်ရွက်မှုဆိုင်ရာ လမ်းညွှန်ချက်များနှင့်ပတ်သက်၍ မေးမြန်းစရာများ ရှိပါက သို့မဟုတ် ဖော်ပြထားသည့်အမျိုးအစားများနှင့် မသက်ဆိုင်သော ပြဿနာကို တင်ပြလိုပါက ဤစနစ်ကို အသုံးပြုနိုင်သည်။
တာဝန်ခံအာဏာပိုင်အဖွဲ့အစည်းနှင့် ဒေတာလုံခြုံရေး
ကျင့်ဝတ်ဖောက်ဖျက်မှု သတင်းပေးစနစ်တွင် ဒေတာကာကွယ်ရေးအတွက် တာဝန်ခံအာဏာပိုင်အဖွဲ့အစည်းသည် Infineon Technologies AG, Compliance Department, Am Campeon 1-15, 85579 Neubiberg, Germany ဖြစ်သည်။
ဤကျင့်ဝတ်ဖောက်ဖျက်မှု သတင်းပေးစနစ်ကို ဂျာမနီရှိ အထူးကိုင်တွယ်သော ကုမ္ပဏီတစ်ခုဖြစ်သည့် EQS Group AG, Bayreuther Str. 35, 10789 Berlin က Infineon ကိုယ်စားဆောင်ရွက်ပေးသည်။
ကျင့်ဝတ်ဖောက်ဖျက်မှု သတင်းပေးစနစ်ထဲသို့ ထည့်သွင်းထားသော ကိုယ်ရေးဒေတာနှင့် အချက်အလက်များကို EQS Group AG က ဆောင်ရွက်သည့် ဂျာမနီရှိ လုံခြုံရေးမြှင့်တင်ထားသော ဒေတာစင်တာတွင် သိမ်းဆည်းသည်။ သတ်မှတ်ထားသော နည်းပညာဆိုင်ရာ အစီအမံများကြောင့် ဒေတာစစ်ဆေးမှုကို Infineon ကသာ ဆောင်ရွက်နိုင်သည်။ Infineon က ရှင်းလင်းတိကျစွာ ခွင့်ပြုချက်ပေးထားသော လူနည်းစုကသာ ဒေတာဝင်ရောက်ကြည့်ရှုခွင့်ရှိသည်။ EQS Group AG နှင့် အခြား ပြင်ပအဖွဲ့အစည်းများသည် ဒေတာကို ဝင်ရောက်ကြည့်ရှုခွင့်မရှိပါ။ ဘက်စုံထောင့်စေ့သော နည်းပညာပိုင်းဆိုင်ရာနှင့် အဖွဲ့အစည်းဆိုင်ရာ အစီအမံများဖြင့် အသိအမှတ်ပြုထားသည့် လုပ်ထုံးလုပ်နည်းနှင့်အညီ ယင်းကို သေချာအောင်ဆောင်ရွက်ထားသည်။
စုစည်းရယူသည့် ကိုယ်ရေးဒေတာ အမျိုးအစား
ကျင့်ဝတ်ဖောက်ဖျက်မှု သတင်းပေးစနစ်အား ဆန္ဒအလျောက် အသုံးပြုနိုင်သည်။ ကျင့်ဝတ်ဖောက်ဖျက်မှု သတင်းပေးစနစ်မှတစ်ဆင့် တိုင်ကြားချက် ပေးပို့ပါက ကျွန်ုပ်တို့သည် အောက်ပါ ကိုယ်ရေးဒေတာနှင့် အချက်အလက်များကို စုစည်းရယူသည်-
- သင်၏မည်သူမည်ဝါ အထောက်အထားကို ဖော်ပြရန် သင်ရွေးချယ်လျှင် သင်၏အမည်၊
- သင်က Infineon ၏ ဝန်ထမ်း ဟုတ်၊ မဟုတ်နှင့်
- သင်၏တိုင်ကြားချက်၌ ဖော်ပြထားသောပုဂ္ဂိုလ်များ၏ အမည်များနှင့် အခြားကိုယ်ရေးဒေတာများ။
တိုင်ကြားချက်များကို လျှို့ဝှက်၍ ကိုင်တွယ်ခြင်း
ပေးပို့သော တိုင်ကြားချက်များကို Infineon ၏ စည်းကမ်းလိုက်နာမှု အဖွဲ့အစည်းရှိ ရှင်းလင်းတိကျစွာ ခွင့်ပြုချက်ရထားပြီး အထူးလေ့ကျင့်ထားသော သီးသန့်ဝန်ထမ်းအနည်းငယ်က လက်ခံရယူပြီး အမြဲတမ်း လျှို့ဝှက်စွာ ကိုင်တွယ်သည်။ စည်းကမ်းလိုက်နာမှု တာဝန်ခံဌာနရှိ ဝန်ထမ်းများသည် ကိစ္စရပ်ကို အကဲဖြတ်ဆန်းစစ်ပြီး သီးခြားကိစ္စရပ်အလိုက် လိုအပ်သည့် နောက်ထပ်စုံစမ်းစစ်ဆေးမှုကို လုပ်ဆောင်သည်။
တိုင်ကြားချက်တစ်ခုကို ကိုင်တွယ်ဆောင်ရွက်သည့်မူဘောင်အတွင်း သို့မဟုတ် အထူးစုံစမ်းစစ်ဆေးမှုအတွင်း Infineon ၏ အခြားဝန်ထမ်းများထံသို့ တိုင်ကြားချက်များကို မျှဝေရန် လိုအပ်နိုင်သည်၊ ဥပမာ- တိုင်ကြားချက်များသည် Infineon ၏ လုပ်ငန်းခွဲများရှိ ဖြစ်ရပ်များကို ရည်ညွှန်းထားခြင်းဖြစ်လျှင်။
သင်သည် ဥရောပသမဂ္ဂ/ EEA အတွင်း ကိစ္စရပ်များကို တိုင်ကြားပါက သင်၏ ကိုယ်ရေးဒေတာကို ဥရောပနှင့် သက်ဆိုင်ရာနိုင်ငံများ၏ ဒေတာကာကွယ်ရေး ဥပဒေများ၊ အထူးသဖြင့် ဂျာမန် ဖက်ဒရယ်ဒေတာကာကွယ်ရေး အက်ဥပဒေ (Bundesdatenschutzgesetz) နှင့်အညီ စီမံဆောင်ရွက်မည်။ သင်သည် ဥရောပသမဂ္ဂ/ EEA ပြင်ပရှိ ကိစ္စရပ်များကို တိုင်ကြားပါက စည်းကမ်းလိုက်နာမှု တာဝန်ခံဌာနက စစ်ဆေးပြီးနောက် Infineon ၏ လုပ်ငန်းခွဲများက သင့်ကိုယ်ရေးဒေတာကို ဒေသဆိုင်ရာ ဒေတာကာကွယ်ရေး ဥပဒေများနှင့်အညီ လုပ်ငန်းခွင်တွင်း လိုအပ်သလိုလည်း စီမံဆောင်ရွက်ပါမည်။
ဥပဒေအရ လိုအပ်ပါက ကျွန်ုပ်တို့သည် သင်၏ တိုင်ကြားချက်ကို ဒေသဆိုင်ရာ ဥပဒေစိုးမိုးရေးဌာနများသို့ ထပ်ဆင့်ပေးပို့ပါမည်။
ဒေတာဝင်ရောက်ကြည့်ရှုခွင့်ရှိသူ အားလုံးသည် လျှို့ဝှက်ချက်ကို ထိန်းသိမ်းရန် တာဝန်ရှိသည်။
ကိုယ်ရေးဒေတာကို ထိန်းသိမ်းသည့်ကာလ
အခြေအနေကို ရှင်းလင်းရန်နှင့် ကောက်ချက်ချ အကဲဖြတ်ရန် လိုအပ်သည့်အချိန်အထိ ကိုယ်ရေးဒေတာများကို သိမ်းဆည်းထားသည်။ တိုင်ကြားချက်ကို ကိုင်တွယ်ဆောင်ရွက်ပြီးသည့်နောက် ဤဒေတာကို ဥပဒေသတ်မှတ်ချက်များနှင့်အညီ ဖျက်ပစ်သည်။
ကျင့်ဝတ်ဖောက်ဖျက်မှု သတင်းပေးစနစ်ကို အသုံးပြုခြင်း
သင်၏ကွန်ပျူတာနှင့် ကျင့်ဝတ်ဖောက်ဖျက်မှု သတင်းပေးစနစ်တို့အကြား ဆက်သွယ်မှုကို ကုဒ်ပြောင်းဝှက်ထားသည့် ချိတ်ဆက်မှု (SSL) မှတစ်ဆင့် ဆောင်ရွက်သည်။ ကျင့်ဝတ်ဖောက်ဖျက်မှု သတင်းပေးစနစ်ကို အသုံးပြုစဉ် သင့်ကွန်ပျူတာ IP လိပ်စာကို သိမ်းဆည်းထားမည်မဟုတ်ပါ။ သင့်ကွန်ပျူတာနှင့် ကျင့်ဝတ်ဖောက်ဖျက်မှု သတင်းပေးစနစ်ကြား ချိတ်ဆက်မှုကို ထိန်းသိမ်းရန်အတွက် ဆက်ရှင် ID (session cookie ဟု ခေါ်သည်) သာ ပါဝင်သည့် ကွတ်ကီးတစ်ခုကို သင့်ကွန်ပျူတာပေါ်တွင် သိမ်းဆည်းထားသည်။ ဤကွတ်ကီးသည် သင်၏ ဆက်ရှင်ပြီးဆုံးချိန်အထိသာ အကျုံးဝင်ပြီး သင်၏ ဘရောက်ဇာကို ပိတ်လိုက်သောအခါ သက်တမ်းကုန်ဆုံးပြီ ဖြစ်သည်။
ကျင့်ဝတ်ဖောက်ဖျက်မှု သတင်းပေးစနစ်အတွင်း ကိုယ်တိုင်ရွေးချယ်ထားသော အမည်ဝှက်/ သုံးစွဲသူအမည်နှင့် လျှို့ဝှက်စကားလုံးဖြင့် လုံခြုံအောင် ကာကွယ်ထားသော အွန်လိုင်းစာတိုက်ပုံးတစ်ခုကို သတ်မှတ်နိုင်သည်။ ဤနည်းအားဖြင့် Infineon ရှိ တာဝန်ခံဝန်ထမ်းထံသို့ အမည်ဖော်ပြ၍ဖြစ်စေ၊ အမည်မဖော်ပြဘဲဖြစ်စေ တိုင်ကြားချက် ပေးပို့နိုင်ပါသည်။ စနစ်သည် အီးမေးလ်များကို မထုတ်ပေးဘဲ ဒေတာများကို စနစ်ထဲတွင်သာ သိမ်းဆည်းပြီး ဖတ်ရှုနိုင်သည်။
ပူးတွဲပါဖိုင်များ ပို့ရာတွင် ဂရုပြုရန် မှတ်ချက်
တိုင်ကြားချက် ပေးပို့သည့်အခါ သို့မဟုတ် ထပ်ဆောင်းအချက်အလက်များ တင်ပြသည့်အခါတွင် Infineon ရှိ တာဝန်ခံဝန်ထမ်းထံ ပူးတွဲဖိုင်များ ပေးပို့နိုင်သည်။
သင် အမည်မဖော်ဘဲ တိုင်ကြားချက် ပေးပို့လိုလျှင် အောက်ပါလုံခြုံရေးဆိုင်ရာ အကြံဉာဏ်ကို သတိပြုပါ-
ဖိုင်များတွင် သင်၏နာမည်ဝှက်ဆောင်ရွက်ခြင်းကို ထိခိုက်စေနိုင်သည့် ဖုံးကွယ်ထားသော ကိုယ်ရေးဒေတာများ ပါဝင်နိုင်သည်။ မပေးပို့မီ ဤဒေတာကို ဖယ်ရှားပါ။ ဤဒေတာကို ဖယ်ရှား၍ မရပါက သို့မဟုတ် မည်သို့လုပ်ဆောင်ရမည်ကို သေချာမသိပါက သင့်ပူးတွဲဖိုင်ပါ စာသားကို သင့်တိုင်ကြားစာရှိ စာသားထဲသို့ ကူးထည့်ပါ သို့မဟုတ် တိုင်ကြားမှုလုပ်ငန်းစဉ် ပြီးဆုံးချိန်တွင် ရရှိသော ရည်ညွှန်းနံပါတ်ကို ကိုးကား၍ အောက်ခြေတွင် ဖော်ပြထားသော လိပ်စာသို့ ပရင့်ထုတ်ထားသော စာရွက်စာတမ်းကို အမည်မဖော်ဘဲ ပေးပို့ပါ။
စနစ်ကို ဆက်လက်တိုးတက်အောင် ဆောင်ရွက်ရန်အတွက် Infineon သည် ဒေတာကာကွယ်ရေး စည်းမျဉ်းများနှင့်အညီ ဤဒေတာကာကွယ်ရေး လမ်းညွှန်ချက်ကို အချိန်မရွေး မွမ်းမံပြင်ဆင်နိုင်သည်။
သီးသန့် တိုင်ကြားချက်ကို ပေးပို့ခြင်းဖြင့် ကျွန်ုပ်၏ ကိုယ်ရေးဒေတာကို စီမံဆောင်ရွက်ခြင်းအား ကျွန်ုပ်သဘောတူသည်။ သဘောမတူပါက သင့်အချက်အလက်ကို အမည်မဖော်ဘဲ ဆက်လက်ထားရှိပေးပါ။
ဗားရှင်း- 2021 ခုနှစ် ဇွန်လ