Onwettige gedrag in ons maatskappy het 'n impak op ons almal!

Hoekom moet ek 'n boodskap stuur?

'n Positiewe en oop korporatiewe kultuur vereis dat regs-, gemeenskaps- en korporatiewe standaarde gehandhaaf word.

Miskien is u bewus van skadelike handelinge of risikos wat die maatskappy bedreig. U boodskap kan behulpsaam wees om skade ten opsigte van die finansies en beeld van die maatskappy op 'n vroeë stadium aan die lig te bring. Sodoende word die volhoubare sukses van die maatskappy en die voortdurende bestaan van die poste wat daardeur verskaf word verseker.

Watter soort boodskappe help u organisasie?

Alle boodskappe ten opsigte van oortredings van statutêre en interne organisatoriese reëls sal versamel en verwerk word.

Dit sluit boodskappe ten opsigte van die volgende in:

• Korrupsie
• Anti-mededingende praktyke
• Bedrog
• Diskriminasie / Teistering / Afknouery
• Ander ernstige wangedrag

Meer gedetailleerde beskrywings is gedurende die boodskapsproses beskikbaar.

Hoe sal my boodskap verwerk word? Wat is 'n posbus en hoe stel ek 'n posbus op?

Kliek die "Stuur boodskap"-knoppie links boaan ons intree bladsy om 'n boodskap te stuur:

1. Lees eerstens die inligtingsgedeelte oor die beskerming van u identiteit. Hierdie gedeelte sluit ook 'n sekuriteitsvraelys in.
2. Op die volgende bladsy word u gevra om die kernpunt van u boodskap te verstrek.
3. Op die boodskap bladsy word u gevra om die voorval waaroor u berig, in u eie woorde in nie meer as 5,000 karakters of 'n hele voltooide DIN A4 bladsy te beskryf nie, en om spesifieke vrae te beantwoord. U mag uself identifiseer indien u dit verkies. As u dit wel doen, word u naam sovêr moontlik deur die ondersoekers beskerm. U mag ook kleiner lêers tot en met 'n grootte van 5 MB ter ondersteuning van u boodskap aanheg. Onthou asseblief dat dokumente inligting oor die outeur mag bevat. Nadat u u boodskap gestuur het, sal u 'n verwysingsnommer ontvang as bewys dat u die spesifieke boodskap gestuur het.
4. Laastens sal u versoek word om u eie beskermde posbus op te stel. Hierdie posbus sal gebruik word om met u te kommunikeer, u vrae te beantwoord en u op hoogte van die stand van u boodskap te hou. Die opstelling van 'n posbus sal u identiteit nie openbaar nie.

Sodra u 'n beskermde posbus opgestel het, verkry u oor die "Aanmeld" knoppie toegang daartoe. Voordat u u posbus oopmaak, moet u 'n volledige sekuriteitsprosedure voltooi om seker te maak dat net die gemagtigde persoon - u - toegang daartoe het.

Die elektroniese BKMS^® Whistleblower System se tegnologie sal u anonimiteit bewaar, solank u geen inligting indien wat u persoonlike identiteit bevat nie.

Hoe kan ek 'n terugvoer ontvang, maar terselfdertyd anoniem bly?

Die hoogste prioriteit van die BKMS^® System is om die identiteit van van die sweepklapper te beskerm. Die sisteem se anonimiteitsbeskermingsfunksie is gesertifiseer en kan te alle tye nagegaan word.

U kies u eie persoonlike skuilnaam/ gebruikersnaam en wagwoord wat u gebruik om u posbus op te stel. Versleuteling en ander spesiale sekerheidsmetodes verseker dat u boodskap te alle tye anoniem bly. Op geen tydstip gedurende die boodskapsproses sal u versoek word om persoonlike inligting te verstrek nie. U moet asseblief geen inligting verstrek wat tot u persoonlike identiteit teruggevoer kan word nie. U moet u boodskap asseblief nie op 'n persoonlike rekenaar stuur wat deur u werkgewer verskaf word nie.

Die persoon in bevel van u boodskap sal u oor u beskermde posbus kontak om inligting in verband met die stand van u boodskap te verstrek of om verdere vrae te stel, as sekere besonderhede opgeklaar moet word - u anonimiteit sal gedurende hierdie proses altyd beskerm wees. Ons stel in hierdie boodskappe belang om skade te voorkom, en nie om inligting oor die persoon te verkry wat die boodskappe gestuur het nie.